Á meðan sorphirðumenn hins íslenska fjölmiðlasamfélags reyna að gera sér mat úr minnsta tilefni þurfa leikmenn Vals að einblína á næsta verkefni liðsins sem er heimaleikur gegn Fjölni.  Fjölnir tapaði sínu fyrsta leik gegn KR 2-1 eftir að hafa komist yfir og ljóst er að Jónas Grani markmannsbani mun verða hvaða liði sem er skeinuhættur í sumar. Valsmenn verða aftur á móti að hrista af sér sliðruorðið eftir slakt undirbúningstímabil og herfilega frammistöðu gegn Fylki. Nú er ekkert sem heitir og vonandi blæs Willum til sóknar í kvöld enda þrjú stig eina ásættanlega niðurstaðan. Leikurinn hefst klukkan 19.15.